Menu

Enfòmasyon

Ero mwa nwa

KEK ERO MWA ISTWA NWA YO

, , , , , ,

Dekouvri kèk ero mwa Istwa nwa yo:

NELSON MANDELA – Lemonn antye gen gwo konsiderasyon pou lidè nwaKek ero mwa istwa nwa e ansyen chèf deta peyi Afrikdisid, Nelson Mandela  ki te mennen yon konba fèm pou ranplase rejim divizyon ki te separe sitwayen blan ak nwa nan peyi a,  ak yon sistèm demokrasi ki rasanble tout moun kelkeswa koulè po w.  11 fevrye ki pase a make liberasyon Nelson Mandela nan prizon  Afrikdisid.  Katran apre sa, nan dat 27 avril 1994, li te ranpòte eleksyon pou l vin premye prezidan nwa nan Afrikdisid.  Kounye la a, dat 27 avril la tounen on jounen konje nan peyi a, ki rele Jounen Liberasyon an.

ROSA PARKS – Se te yon militan pou dwa Afro-Ameriken yo ki te lite e pwoteste san rete pou nwa yo te kapab itilize san restriksyon sistèm transpò piblik vil Montgomery nan Alabama.  Pou angajman Rosa Parks pou triyonf dwa kominote nwa a, kongrè ameriken an te ba li 2 tit sa yo:<Premyè dam> pou mouvman egalite rasyal la nan Etazini, e manman mouvman liberasyon an.

WANGARI MAATHAI – Premye fanm afriken ki te resevwa  “Pri Nobèl Lapè a” pou kontribisyon l nan avansman sistèm devlopman dirab la ak triyonf demokrasi ak lapè nan peyi Kenya.

MARCUS GARVEY – Yon natif peyi Jamayik e nasyonalis nwa ki te kreye e ankouraje mouvman pou nwa retounen sou kontinan afriken an.  Marcus Garvey te reprezante yon gwo senbòl pou jenn militan pou dwa moun nan peyi Etazini.

 

Se kèk ero mwa istwa Nwa yo.

===========
Fred Williams
Rezèvwa Zouti Kreyòl
enfo@zoutikreyol.com

fevriye

FEVRIYE – MWA ISTWA NWA YO

, , , ,

Orijin selebrasyon mwa istwa Nwa yo

Se nan ane 1926 premye selebrasyon Istwa Nwa yo te deroule isit Ozetazini. Li te dire yon semèn. Yo te òganize selebrasyon sa a pou montre ròl enpòtan Afro-Ameriken yo te jwe nan istwa fondasyon Lèzetazini.

Depi ane 1915, senkantan apre Lèzetazini te mete fen nan mouvman lesklavaj la sou teritwa peyi a, kèk militan pou dwa moun t ap reflechi sou nesesite pou yo fè konnen istwa ak reyalizasyon kominote nwa a. Se konsa istoryen Carter G. Woodson ki te diplome nan inivèsite Harvard nan eta Massachussets te met sou pye ak kèk lòt kòlèg “Asosyasyon pou Etid sou Istwa Ameriken nwa yo”. Se yon fason pou ankouraje pwogram rechèch ak pwomosyon aktivite group afroameriken. Li te la tou pou raple reyalizasyon kominote nwa a  nan avansman sosyete ameriken an. Dapre pwofesè Carter, li te enpòtan pou gen yon tan ki konsakre pou reflechi sou istwa kominote nwa a an jeneral. Sa vin pèmèt plis moun pi byen konprann enpòtans travay pwofesyonèl nwa yo. Se nan diferan domèn yo te travay pou benefis tout moun, san distenksyon ras ni klas.

Objektif selebrasyon an

Youn nan presipal objektif doktè Woodson lè l te lanse projè sa a, se te pou l sansibilize edikatè yo. Li te vle met aksan sou nesesite ki poze pou elèv lekòl yo benefisye pwogram ak aktivite nan klas yo sou reyalite lavi ak akonplisman group afroameriken yo.

Òganizatè yo te chwazi dezyèm semèn mwa fevriye a pou selebrasyon Mwa Istwa Nwa yo. Dat sa a kowenside ak dat anivèsè nesans Abraham Lincoln ak Frederick Douglass. Lidè sa yo se te 2 gran konbatan nan lit pou abolisyon lesklavaj. Epitou, gen plizyè lot dat toujou nan mwa sa a ki gen rapo ak sitiyasyon kominote nwa a.

Plizyè gran vil nan peyi Etazini, Kanada, Lafrans, Lalmay ak Langletè, nan kèk peyi afriken e nan rejyon karayib la ap oganize divès aktivite nan okazyon  selebrasyon dat espesyal sa a. Se yon fason tou pou onore kontribisyon kominote nwa a nan istwa inivèsèl la.

Fred Williams
Rezèvwa Zouti Kreyòl
enfo@zoutikreyol.com

duolingo Kreyòl

Duolingo Ajoute Kreyòl Ayisyen Nan Bibliyotèk Lang Li

, , , , , , , , , , ,

Avansman Lang Kreyòl La 

Nouvèl

Duolingo, aplikasyon pou aprann lang popilè yo, ap ajoute kreyòl ayisyen kòm yon nouvo lang nan aplikasyon li a nan dat 22 fevriye 2022.
Malgre ke yon aplikasyon pou aprann yon lang pa bay menm eksperyans ak vin pase yon tan nan yon peyi etranje, Duolingo eseye fè pwogram li a fasil ak entèraksyon. Kidonk itilizatè yo gen anpil chans pou yo retounen nan li, kote yo pral kapab kontinye kote yo te kite l la.

“Teknoloji nou genyen an vrèman fleksib.

Osi lontan ke nou bay bon enfòmasyon an, li ka al tire nan leson nou yo, fraz ak vokabilè e lòt bagay sa yo pou kreye yon leson, “di Blanco.

Pa egzanp, si yon itilizatè konprann patikilyèman byen yon konsèp, algorit la ta ka deklanche egzèsis pi difisil pi bonè.

Se konsa, nou te eseye fè li vrèman amizan ak fasil pou retounen nan lang lan pou ou ka fè li pou 5 minit pandan trajè ou pou jounen an. Ou ka fè li jis anvan ou ale nan kabann, ou pa bezwen bloke èdtan sa a pou klas la.

Charlotte Hu,Charlotte Hu Is The Assistant Technology Editor At Popular Science. 

duolingo Kreyòl

Platfòm teknoloji a ap fè patenarya tou ak restoran ayisyen yo atravè peyi Etazini an pou ankouraje pwogram nan.

earthquake Haiti Komalak

Panse espesyal pou popilasyon nan rejyon Sidwès la ann Ayiti

, ,

 

KOMITE POU AVANSMAN LANG KREYOL (KOMALAK) gen yon panse espesyal pou popilasyon nan rejyon Sidwès la ann Ayiti.

Nan dat 14 out ki pase a, peyi Dayiti viktim yon lòt gwo soukous, yon mwa apre bandi ame te ansasinen prezidan Jovenel Moise lakay li. Bonè nan matin 14 out la, latè te tranble avèk fòs nan rejyon Sidwès peyi a, e sa te lakòz plis ke 2 mil moun pèdi lavi yo, e anpil lòt te blese grav nan dega kay, lekòl ak legliz ki te kraze.  Siklòn Grace pa t pran tan pou l te pote pwovizyon detrès pa li avèk anpil lapli, ak gwo van, sou sinistre sa yo ki te deja sanzabri.
 
Komite pou Avansman Lang Kreyòl (KOMALAK) pataje lapenn tout fanmi ki viktim yo, e tout manm komite a ofri kondoleyans yo bay tout fanmi ki pèdi moun yo nan katastròf natirèl sa a; nou panse ak tout blese yo, tout rès popilasyon nan zòn sinistre yo k ap tann èd ak sekou kondisyon yo reklame. 
Nan mitan gwo dezas sa a ki frape rejyon Sidwès la, n ap lanse yon apèl pou mande popilasyon nan zòn afekte yo rete nan solidarite pandan efò sou pye pou founi yo èd ki nesesè. Nan sikonstans difisil sa a, n ap mande tou pou tout ayisyen toupatou pa bliye peyi natif-natal yo ansanm ak tout fanmi nan Sidwès peyi a ki konte sou nou.
 
Pou zòn Washington nan, KOMALAK ap envite nou kontribye nan efò pou pote sekou bay frè ak sè nou yo nan peyi Dayiti. Pou tout kontribisyon, nou kapab kontakte Christie Anne Short, nan òganizasyon Life Connexion Mission nan (301)518-4787 oubyen, Fred Williams nan òganizasyon KOMALAK nan (301) 680-0829.
Kontakte nou
Panse espesyal pou Ayiti

RALPH LEROY PATISIPE NAN DIZYEM FESTIVAL MOD VIL ATLANTA

, ,

Espesyalis mòd ayisyen Ralph Leroy prezante nan mitan mwa davril la yon gwo koleksyon modèl rad pou sezon otòm-ivè 2016-2017 la nan okazyon dizyèm edisyon festival mòd vil Atlanta a.  Tèm festival mòd ane sa a nan Atlanta se te: “N ap sèvi ak lamòd pou n poze baz pou konekte kontinan yo“.

Ralph Leroy k ap viv nan vil Montréal nan Canada deja gen renome nan pwovens Québec la apre gwo akey piblik la te fè l nan ane 2009 la nan okazyon prezantasyon yon koleksyon vètman pou gason.

Ralph Leroy ouvè kounye la a yon atelye nan  vil Pòtoprens nan peyi Dayiti kote l ap prepare kèk nouvo modèl rad.

Marinelle Jean-Baptiste, mis kreyol Québec 2015 lanse l nan lamòd

, ,

Nouvo mis kreyòl Québec la, Marinelle Jean-Baptiste gen anpil enterè nan lamòd; se konsa, ane ki pase a li met sou pye on premye boutik rad li vann sou entènèt anba ansey Black N White Wardrobe.  Mis Jean-Baptiste ap travay sou plis pwojè toujou nan domèn mòd la.

Kòm nouvo Mis Kreyòl Québec, Marinelle Jean-Baptiste pran angajman pou l ede kominote karayib la, e sitou jenn yo pou yo pi byen entegre yo nan sosyete kanadyen an.

Load More